Diabarzh un toull-du
A) Toull-du Schwarzschild, pe toull-du statel.
E 1916, ur
fizikour e anv Karl Schwarzschild en
deus ijinet ur framm evit un toull-du difiñv diwar teorienn ar
relativelezh.
N’eus ket kalz a chañsoù e vefe un toull-du
e-giz-se real, met pouezus eo bet evit an enklaskoù da
heul.
Gouzout
a reomp eo gouest un toull-du da zisachañ ar goulou.
Añvet eo sferenn ar fotonioù ar sferenn e lec'h ma teu ar
goulou da vezañ war orbitenn.
Skin Schwarzschild un objed a zo ar skin maksimum hag a lakfe
anezhañ da vezañ un toull-du abalamour d’e
zouester. Skin diabell an darvoudoù eo ivez. Ma tremenjer ar
sferenn-se ne c'hellfer
ket ober 'mod-all eget mont eeun war-zug an istrog. Evit mont er-maez
eus an toull-du e rankfer kaout un tizh brasoc'h eget hini ar goulou,
dre-se, memes ar goulou a zo tapet gantañ.
Gant :
- G digemm gravitadurel (e SI)
- m mas an astr (e kg)
- c tizh ar gouloun (e m/s)
- Rs skin Schwarzschild an astr (e m)
Jedomp skin Schwarzchild an Douar : Rs(Douar) = 2
× 6,670.10-11 × 5,974×1024 / (2,998.108) 2
Rs(Douar)
= 8.867.10-3 m
Rs(Douar)
= 8.867 mm
Setu ur skwer evit
diskouez ken douest eo an toulloù-du : ma vefe
douester an Douar eus memes talvoud hag hini un toull-du eus
ar re vihanañ e vefe e skin eus tro 9 mm !
B) Toull-du Kerr, pe toull-du o treiñ.
Skwer
Kerr 'zo an hini posublañ dre ma teu an toull-du deus ur
steredenn o treiñ. Dont a ra e anv eus ar matematikour
nevez-zelañdad Roy Kerr hag, an hini gentañ e 1963, a
oa deuet a benn da ziskoulm kevatalennoù ar Relativelezh Ledan
evit trowardro ur mas o treiñ. Pa vez dirouestlet anezho e teu
war wel un darvoud : tro-dro d'un objed masek o treiñ e vez
distummet ar spas-amzer, disachet gant ar fiñv ivez. Evel-just
eo dister an darvoud-se evit un objed evel an Heol pe an Douar met evit
un toull-du e teu da vezañ pouezus.
- Kentañ tra a vez merzet gant un den o
vont war-zu un toull-du eus ar seurt-se eo bezañs div sferenn ar
fotonioù (ellipsoidoù e wirionez) : unan o vodañ ar fotonioù o zreiñ
war ar memes tu hag an astr, hag egile o vodañ ar re o vont en tu
kontrol. An div sferenn a laosk ur spas etrezo e lec'h ma 'z eus ur
seurt soubenn a fotonioù, met kemesket eo an daou gwiskad a-us da boloù
an toull-du. Seul vuanoc'h e tro warnañ e-unan seul vrasoc'h eo ar spas etre an div sferenn ar fotonioù.
An div sferenn ar fotonioù : an hini kentroer
e-barzh hag an hini eneptroer er-maez.
Plaenaet ha kemesket int war ar poloù. Etrezo ez eus ur vor a fotonioù.
- O vont war-zu un toull-du, un
den a dreuz ar vevenn statel evit erruout en ergosferenn, ur rannvro
e-lec'h ne c'hell netra chom difiñv.
Ar
vevenn statel 'zo un ellipsoid e lerc'h ma ne c'hell netra chom
difiñv, memes ar goulou, desachet gant ar spas-amzer war zu rotadur
an toull-du.
Al lodenn etre ar vevenn statel hag an diabell
diavaezh a zo anvet ergosferenn.
E poloù an toull-du eo liammet div vevenn an ergosferenn.
Bremañ ez eus daou ziabell zisparti.
Pa vez treuzet
ar vevenn statel ne c'hell netra chom hep mont war-zu an istrog, memes
en ur vont gant tizh ar goulou. Bez 'z eus eus ar vevenn-se
abalamour da zesachadur ar spas-amzer gant an toull-du en e fiñv
rotadur. Evit un toull-du Schwarzschild eo an diabell hag a skeudenn
ar vevenn statel.
- Da heul ez eus daou ziabell. Efed brasañ ar
cheñchamant-se eo ar fed ma amginadur ar spas-amzer hag a erru
pa dremener an diabell diavaez a zo nulet pa dremener an eil diabell,
an hini diabarzh. Neuze er sferenn harzhet gant an diabell diabarzh en
deus ar spaz-amzer e berzhioù boaz, da lavaret eo ne vezer ket
rediet ken mont war-zug an istrog, lavaret e-giz amzerel (talvoud a ra
e c'heller mont a-biou). Seul vuanoc'h e tro an toull-du, seul dostoc'h
an eil ouzh egile an daou ziabell.
- Erfin, an istrog he-unan he deus ur stumm gwalenn. Ma doster outi
e-mod all ha dre he c'heheder e vezer bountet war-zu an tu kontrol.
Disoc'h metrik Kerr eo.
C) Toull-du Reissner-Nordstrom, pe toull-du karget..
Gant un toull-du karget ez-tredanel, disoc'h Schwarzshild n'eo ket
implijabl ken. Reissner-Nordstrom eo en deus ijinet ur
skwer toull-du karget.
War ar chema-mañ n'eo ket skeudennet na sferenn ar fotonioù, nag an ergosferenn met bez'z eus outo.
Seul gargetoc'h eo an toull-du, seul dostoc'h an daou ziabell an eil ouzh egile.
Mard eo karget a-walc'h an toull-du e za an daou
ziabell da anaon. Dre-se ne gaver nemet un istrog he-unan ken, met kalz
a fizikourien a soñj eo dibosubl, an hollved o
teñsañ anezhañ e-unan.
Daoust d'ar fed e vez diskouezet an toull-du karget
evel ur skwer e-unan, n'eo ket gwall brobabl e vije outañ en
hollved : ret vefe d'ar steredenn he deus roet bezañs
dezhañ bezañ karget ez-tredanel, ar pezh na seblant ket
bezañ gwirion.
Pajenn a-raok -- Pajenn da heul
==> Distro d'an degemer